សេចក្តីសម្រេច
ស្តីពី
ការកែលម្អ ចក្ខុវិស័យ បេសកកម្ម របស់សាកលវិទ្យាល័យកម្ពុជា
យោងៈ - អនុក្រឹត្យលេខៈ ៥១ អនក្រ.បក ចុះថ្ងៃទី២០ ខែមិថុនា ឆ្នាំ២០០៣ ស្តីពីការទទួលស្គាល់
សាកលវិទ្យាល័យកម្ពុជា ដោយរាជរដ្ឋាភិបាលកម្ពុជា
- ចក្ខុវិស័យ និងបេសកកម្មរបស់សាកលវិទ្យាល័យកម្ពុជា
- តម្រូវការកំណែទម្រង់ដើម្បីធានាបាននូវគុណភាព និងការអភិវឌ្ឍសាកលវិទ្យាល័យកម្ពុជា
- តម្រូវការស្របតាមមតិណែនាំរបស់ក្រសួងអប់រំ យុវជន និងកីឡា និងគណៈកម្មាធិការទទួល
ស្គាល់គុណភាពអប់រំនៃកម្ពុជា (គ.ទ.ក)
- កិច្ចប្រជុំគណៈកម្មការប្រតិបត្តិនៅថ្ងៃទី៣០ ខែធ្នូ ឆ្នាំ២០១៥ ដើម្បីកែលម្អផែនការយុទ្ធសាស្រ្ត
ឆ្នាំ២០១១-២០១៥
ប្រធានក្រុមប្រឹក្សាភិបាល សាកលវិទ្យាល័យកម្ពុជា
សម្រេចការកែលម្អចក្ខុវិស័យ បេសកកម្ម របស់សាកលវិទ្យាល័យកម្ពុជា
ដូចខាងក្រោម៖
ប្រការ I: ចក្ខុវិស័យ
នៅក្នុងសម័យបច្ចេកវិទ្យាព័ត៌មានដែលតម្រូវឲ្យមានប្រភពដើម ការស្រមើលស្រមៃ និងគុណភាព ការអប់រំ សាកលវិទ្យាល័យកម្ពុជានឹងក្លាយទៅជាសាកលវិទ្យាល័យនាំមុខគេនៅក្នុងប្រទេស និងតំបន់នេះ និង ជាមជ្ឈមណ្ឌលនៃឧត្តមភាពសម្រាប់ការបង្រៀន ការបណ្ដុះបណ្ដាល ការស្រាវជ្រាវ និងអាហារូបករណ៍។ សាកលវិទ្យាល័យកម្ពុជា មានបំណងដើម្បីក្លាយទៅជាស្ថាប័នជម្រើសសម្រាប់ការអប់រំឧត្តមសិក្សានៅក្នុង ប្រទេសកម្ពុជា និងក្នុងតំបន់ដោយសារតែការប្តេជ្ញាចិត្តរបស់ខ្លួនចំពោះការវិវត្តតាមតថភាពសង្គម នយោបាយ សេដ្ឋកិច្ច និងបច្ចេកវិទ្យាថ្មី ក៏ដូចជាដំណើរការសមាហរណកម្មសេដ្ឋកិច្ច និងសកលភាវូបនីយកម្មនាពេល បច្ចុប្បន្ន ។ ចក្ខុវិស័យនេះស្តែងចេញតាមរយៈការប្តេជ្ញាចិត្តឥតងាករេ ដើម្បីគុណភាពអប់រំនៅគ្រប់កម្រិតនៅនៃ សាកលវិទ្យាល័យកម្ពុជា។
ដើម្បីគាំទ្រវិស័យអាទិភាពរបស់រាជរដ្ឋាភិបាលកម្ពុជា ស្តីពីការអភិវឌ្ឍធនធានមនុស្ស សាកលវិទ្យា- ល័យកម្ពុជាមានចក្ខុវិស័យជាសក្តានុពលដូចខាងក្រោម៖
១. បណ្តុះបណ្តាលនិស្សិឲ្យជ្រើសរើសជំនាញរបស់ខ្លួនដ៏ល្អបំផុត និងជម្រុញឲ្យពួកគេក្លាយជា ឯកអគ្គរដ្ឋទូតនៃសាកលវិទ្យាល័យកម្ពុជា និងរួមចំណែកដល់សង្គមទាំងមូលក្នុងនាមជានវានុវត្តជន អ្នកដឹកនាំ និងមគ្គុទ្ទេសក៍ជន។
២. ទាក់ទាញសាស្រ្តាចារ្យ និងនិស្សិតឆ្នើមដែលនឹងបង្កើតមធ្យោបាយនវានុវត្តន៍ដើម្បីឈានទៅ ដោះស្រាយបញ្ហា បង្កើតវិធីសាស្រ្តបង្រៀនថ្មី អភិវឌ្ឍចំណេះដឹងថ្មី និងការស្រាវជ្រាវដើម្បីជា គុណប្រយោជន៍ដល់ ប្រទេសជាតិ និងតំបន់។
៣. ការទាក់ទាញនិស្សិតគ្រប់វ័យដែលឧស្សាហ៍ព្យាយាមឲ្យមានភាពឆ្នៃប្រឌិត និងផ្តល់អំណាចដល់ប្រជាពលរដ្ឋដែលមានប្រាជ្ញា ភាពចាស់ទុំ សមត្ថភាព ការប្តេជ្ញាចិត្ត និងមនុស្សដែលមាន ចំណេះដឹងបច្ចេកវិទ្យាឲ្យក្លាយទៅជាមេដឹកនាំប្រកបដោយការទទួលខុសត្រូវទៅអនាគត។
៤. ផ្លាស់ប្តូរពីបញ្ហាប្រឈមរបស់និស្សិតឲ្យក្លាយទៅជាឱកាសសម្រាប់ការរីកចម្រើនរបស់ពួកគេ។
៥. កសាងបណ្តាញ និងសម្ព័ន្ធភាពឲ្យបានរឹងមាំ ដើម្បីពាំនាំយកជំនាញអំពីវិស័យឯកជន និង សហគមន៍ចូលមកសាកលវិទ្យាល័យ ហើយសាកលវិទ្យាល័យកម្ពុជានឹងផ្តល់ចំណេះដឹងនេះ ទៅដល់កន្លែងការងារនិងសង្គមទាំងមូល។
៦. ភ្ជាប់សាកលវិទ្យាល័យជាមួយមជ្ឈមណ្ឌលឧត្តមភាពនានានៅកម្ពុជា និងសាកលវិទ្យាល័យផ្សេងទៀតនៅជុំវិញពិភពលោក។
៧. ប្តេជ្ញាយកឲ្យបាននូវតម្លៃនៃគំនិតច្នៃប្រឌិត ធនធានសម្បូរបែប នវានុវត្តន៍ និងការទទួលខុសត្រូវនៅពេលដែលឆ្លើយតបនឹងតម្រូវការផ្លាស់ប្តូរនៃសហគមន៍សាកលវិទ្យាល័យកម្ពុជា និងសង្គមទាំងមូល។ ទន្ទឹមនេះ សាកលវិទ្យាល័យកម្ពុជាផ្ទោតសំខាន់ទៅលើសមត្ថភាពបញ្ញវន្ត ធនធានសាកលវិទ្យាល័យកម្ពុជា មិត្តភាព និងភាពជាដៃគូរបស់ខ្លួនផងដែរ។
ប្រការ II: បេសកកម្ម
សាកលវិទ្យាល័យកម្ពុជាខិតខំផ្តល់នូវការអប់រំប្រកបដោយគុណភាពដល់និស្សិតដើម្បីអភិវឌ្ឍការ គិតត្រិះរិះពិចារណា ការវិភាគ និតច្នៃប្រឌិតដើម្បីឲ្យពួកគេអាចធ្វើការសម្រេចចិត្តប្រកបដោយវិជ្ជាជីវៈ និងមាន ស្នាដៃខ្ពស់។ សាកលវិទ្យាល័យកម្ពុជា លើកកម្ពស់ឧត្តមភាពនៃការសិក្សានៅកំរិតថ្នាក់ជាតិ ថ្នាក់តំបន់ និង អន្តរជាតិ និងឆ្លើយតបទៅនឹងការអំពាវនាវឲ្យមានការស្រាវជ្រាវ ការបង្រៀនការបណ្តុះបណ្តាលដោយប្រកាន់ ភ្ជាប់នូវវិន័យខ្ជាប់ខ្ជួន និងដោយពិចារណាជាថ្មីនូវរចនាសម្ព័ន្ធ និងគោលបំណងនៃការអប់រំថ្នាក់ឧត្តមសិក្សា នៅក្នុងប្រទេសកម្ពុជា។
ការអនុវត្តនេះពាក់ព័ន្ធនឹងការអប់រំបណ្តុះបណ្តាល និងការទ្រទ្រង់របស់សាស្ត្រាចារ្យចម្រុះដើម្បីចូល រួមយ៉ាងសកម្មនៅក្នុងការស្រាវជ្រាវដើម្បីនាំយកមកនូវឧត្តមភាព និងនវានុវត្តន៍ទៅក្នុងថ្នាក់រៀន និងដើម្បី ឆ្លើយតបទៅនឹងតម្រូវការរបស់និស្សិត និងសហគមន៍។ គណៈសាស្រ្តាចារ្យតំណាងឲ្យអន្តរកម្មវិស័យរបស់ សាកលវិទ្យាល័យម្ពុជា ក្នុងគោលដៅផ្លាស់ប្តូរវិស័យអប់រំឧត្តមសិក្សានៅកម្ពុជាមានវិធីសាស្រ្តដូចខាងក្រោយ៖
ប្រការ III. ការិយាល័យរដ្ឋបាល បុគ្គលិក សាស្រ្តាចារ្យ ការិយាល័យពាក់ព័ន្ធទាំងអស់ ត្រូវអនុវត្តគោលនយោបាយនេះដើម្បីលើកកំពស់សាកលវិទ្យាល័យកម្ពុជា ជាមជ្ឍមណ្ឌលឧត្តមភាពសម្រាប់ការសិក្សា។
ប្រការ IV. រាល់ការអនុវត្តទាំងឡាយណាដែលផ្ទុយពីសេចក្តីសម្រេចនេះចាត់ទុកជា និរាករណ៍។
ប្រការ V. សេចក្តីសម្រេចនេះចូលជាធរមានចាប់ពីថ្ងៃការចុះហត្ថលេខានេះតទៅ។
រាជធានីភ្នំពេញ ថ្ងៃទី ខែ ឆ្នាំ២០១៧
ប្រធានក្រុមប្រឹក្សាភិបាល
សាកលវិទ្យាល័យកម្ពុជា
ចម្លងជូន
